• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस् ★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा

मोदीले भने-नेपालको पुनर्निर्माणमा हृदय खोलेर सहयोग गर्छौ



नेपाल सरकारको निर्णयको हामी प्रतीक्षा गरिरहेका छौँ

भारतका प्रधानमन्त्री नरेन्द्र मोदीले भूकम्पबाट क्षतिग्रस्त नेपालका भौतिक संरचनाको पुनः निर्माण तथा नवनिर्माणमा हृदय खोलेर सहयोग गर्ने प्रतिबद्धता व्यक्त गरेका छन्।
सेभेन रेस कोर्सस्थित आफ्नो निवासमा भारतका लागि नेपाली राजदूत दीपकुमार उपाध्यायसँग शुक्रबार अपराह्न भएको भेटवार्तामा प्रधानमन्त्री मोदीले सहायतासम्बन्धी नेपालको प्रस्तावको प्रतीक्षामा आफू रहेको बताएका हुन्।
वर्षायाम नजिकिएकाले भूकम्पपीडितलाई शीघ्र पुनर्वासको व्यवस्था गर्नेतर्फ उहाँले विशेष जोड दिएको र त्यसमा भारतको सम्भावित सहयोगबारे विचारविमर्श भएको राजदूत उपाध्यायले टेलिफोनमा बताए। “पुनर्निर्माण एवम् पुनर्वासमा हृदय खोलेर सहयोग गर्न भारत तयार रहेको प्रधानमन्त्री मोदीले बताउनुभयो”– उनले भने।
राष्ट्रिय योजना आयोगले यही जेठ २२ गतेसम्ममा प्रधानमन्त्री सुशील कोइरालासमक्ष पुनर्निर्माणको योजना प्रस्तुत गरेपछि त्यसैका आधारमा सहयोग गर्ने तयारीमा भारत सरकार रहेको राजदूत उपाध्यायले बताए।
“नेपाल सरकारको निर्णयको हामी प्रतीक्षा गरिरहेका छौँ, त्यसका आधारमा हामी सहयोगको घोषणा गर्नेछौँ,” प्रधानमन्त्री मोदीलाई उद्धृत गर्दै राजदूत उपाध्यायले भने।
करिब चौध वर्ष अगाडि मोदी गुजरातका मुख्यमन्त्री रहेका बेलाको भूकम्पको विपत्ति र नेपालले हाल झेल्नु परेको भूकम्पमा आफूले केही फरक अनुभव गरेको प्रधानमन्त्री मोदीले सुनाएको उल्लेख गर्दै राजदूत उपाध्यायले गुजरात भूकम्पकै दिन एक हजार २ सय पटक भूकम्पका धक्का महसुस गरिएका तर नेपालमा भने त्यस्ता कम्पन थोरै महसुस भएकामा चासो र चिन्ता व्यक्त गरेको जानकारी दिए।
“धेरै कम्पन हुँदा खतरा कम हुने विज्ञहरुको भनाइ उद्धृत् गर्दै प्रधानमन्त्री मोदीले नेपालमा थोरै कम्पन भएकाले फेरि अनिष्ट हुने हो कि भन्ने आशङ्काले आफूलाई पिरोलिरहेको बताए, नेपालमा अझै केही समयसतर्कता अपनाउनुपर्नेमा पनि उनले जोड दिए, ”– राजदूत उपाध्यायले पुनः भारतीय प्रधानमन्त्रीको अभिव्यक्ति उद्धरण गरे।
प्रधानमन्त्री मोदीमा नेपालप्रति निकै चिन्ता र सदिच्छा आफूले पाएको पनि उपाध्यायले बताए उनले भूकम्पबाट भएको क्षतिमा भेटवार्ता केन्द्रित रहेको जानकारी दिदै नेपालको राजनीतिका बारेका खासै चर्चा नभएको स्पष्ट गरे।
त्यसअघि राजदूत उपाध्यायले भारतका अर्थमन्त्री अरुण जेट्ली, गृहमन्त्री राजनाथ सिंहलगायत १० जनाभन्दा बढी केन्द्र सरकारका मन्त्री, नयाँदिल्लीका मुख्यमन्त्री अरविन्द केजरीवाल, चर्चित चलचित्र कलाकार अमिताभ बच्चनसहितका सामाजिक अगुवासँग भूकम्पबाट भएको क्षति र सहयोगबारे छलफल गरेका थिए।
Source : Setopati.com