• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   लगानी सम्मेलनमा प्रदेशका आयोजनाको छुट्टै स्टल ★   कोहली भर्सेस स्टार्कः दुबैलाई एक–अर्काको चिन्ता ★   राजस्थानलाई जिताउने पराग ज्वरो आएर तीन दिन विस्तारामा सुतेका थिए, पेनकिलर खाएर खेले ★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने

उग्र स्थितिलाई नियन्त्रणमा लिन बल प्रयोग – गृह



काठमाडौँ, भदौ २३ । गृह मन्त्रालयले संयुक्त मधेसी मोर्चाको नेतृत्वमा भइरहेको आन्दोलनमा प्रहरीले आत्मरक्षा र उग्र स्थितिलाई नियन्त्रण गर्न बल प्रयोग गर्नुपरेको जनाएको छ ।

प्रान्तीय सीमाङ्कनको विषयलाई लिएर तराई मधेसमा जारी आन्दोलनमा स्थिति असहज भएपछि प्रहरीद्वारा चलाइएको गोली लागेर आज चारजना प्रदर्शनकारीको मृत्यु भएको घटनाबारे प्रस्ट पार्दै मन्त्रालयले सो कुरा जनाएको हो ।

मन्त्रालयका प्रवक्ता लक्ष्मीप्रसाद ढकालद्वारा आज साँझ जारी विज्ञप्तिमा प्रदर्शनकारीले पूर्व पश्चिम राजमार्ग खण्डमा रुख ढाल्ने, ढुङ्गामुढा थुपारेर सडक अवरुद्ध गर्ने र प्रहरीमाथि ढुङ्गा प्रहार गरी स्थितिलाई तनावपूर्ण बनाएको उल्लेख छ ।

“तनावपूर्ण स्थितिमा प्रहरीले आत्मरक्षा र उग्र स्थितिलाई नियन्त्रणमा राख्न बाध्य भई बल प्रयोग गर्दा पोर्ताहा–१ बस्ने रामकृष्ण राउतको मृत्यु हुन गएको छ” – विज्ञप्तिमा भनिएको छ ।

विज्ञप्तिमा महोत्तरीमा मधेसी मोर्चाका अराजक, उत्तेजक र नेतृत्वविहीन बन्दकर्ताले जिल्ला न्यायाधीशको निवासमा आगजनी तथा जिल्ला प्रहरी कार्यालयमा ढुङ्गामुढा गरेको गरेको जनाइएको छ । स्थितिलाई नियन्त्रणमा लिन सुरक्षाकर्मीले बल प्रयोग गर्दा तीनजनाको मृत्यु भएको प्रारम्भिक जानकारी प्राप्त भएको मन्त्रालयले बताएको छ ।

विराटनगर रानीस्थित सीमावर्ती भन्सार कार्यालय नजिकको प्रहरी बिटमा बन्दकर्ताले तोडफोड गर्न खोजेको र पाँचजना सुरक्षाकर्मीमाथि पेट्रोल छर्की आगो लगाउन खोज्दा सुरक्षाकर्मीले बल प्रयोग गर्नुपरेको मन्त्रालयले स्पष्ट पारेको छ । मन्त्रालयका अनुसार महोत्तरी सदरमुकाम क्षेत्रमा स्थानीय प्रशासनले बेलुकी ८ बजेदेखि निषेधाज्ञा कफ्र्यु जारी गरेको छ । साथै, आन्दोलनका क्रममा घाइते भएकालाई थप उपचारका लागि काठमाडौँ ल्याउन हेलिकप्टर त्यसतर्फ पठाइएको मन्त्रालयले जानकारी दिएको छ । रासस