काठमाडौं, भदौ २९ । पशुपति क्षेत्र विकास कोषले यस वर्षको हरितालिका तीजमा पनि पशुपतिनाथको छिटो दर्शन गर्न चाहने भक्तजनका लागि रु एक हजारको टिकटको व्यवस्था मिलाएको छ ।
तीजका दिन बिहान ३ बजेदेखि साँझ ८ बजेसम्म मन्दिरका चारै ढोका खुला गरिने र मन्दिरको नित्य पूजामा भने करिब एक घन्टा दर्शनको काम रोकिनेछ । रातिसम्म नै दर्शनको व्यवस्था मिलाइएको छ ।
कोषका सदस्यसचिव डा गोविन्द टण्डनले दर्शनका लागि आउने अशक्त तथा वृद्धवृद्धालाई छिटोछरितो पङ्क्तिको प्रबन्ध गरिने जानकारी दिए । कोषले मेला भर्न आउने भक्तजनलाई व्यवस्थित गर्न सञ्चालक समितिका सदस्य बबिता पौडेलको संयोजकत्वमा १०१ सदस्यीय मूल समारोह समिति गठन गरेको छ ।
