काठमाडौं । नेकपा (एमाले) सचिव प्रदीप ज्ञवालीले अध्यक्षमा केपी शर्मा ओलीको विकल्प नभएको बताएका छन् ।
बुधबार काठमाडौंमा आयोजित ‘साइबर सर्कल घोषणा कार्यक्रमलाई सम्बोधन गर्दै पार्टीको प्रवक्ता समेत रहेका ज्ञवालीले १०औँ राष्ट्रिय महाधिवेशनबाट अध्यक्षमा ओली सर्वसम्मत चयन हुने पनि दाबी गरे ।
उनले भने, “निसन्देह नेकपा एमालेको मात्रै होइन, सिंगो देशको नेताको रूपमा केपी ओलीको कुनै विकल्प छैन । मेरो पूर्ण विश्वास छ १०औँ राष्ट्रिय महाधिवेशनले सर्वसम्मतका साथ उहाँको नेतृत्वलाई अघि बढाउनेछ ।”
