काठमाडौं । नेपालको सबैभन्दा पुरानो पार्टि नेपाली कांग्रेस भित्र हिन्दू राष्ट्रको बहसले प्रवेश पाएको छ । महामन्त्री शशांक कोेइरालाले हिन्दू राष्ट्र र धर्मनिरपेक्षतामा जनमत संग्रह गर्नुपर्ने भन्दै सार्वजनिक धारणा राखेपछि कांग्रेसभित्र बहस सुरु भएको हो ।
अहिले सम्म नेपाललाई हिन्दू राष्ट्रबाट धर्मनिरपेक्ष राष्ट्र बनाउँनु पर्ने भन्दै कुनैपनि राजनीतिक दलभित्र औपचारिक छलफल भएको थिएन । तत्कालिन पार्टि सभापति गिरिजाप्रसाद कोइराला एक्लैले धर्मनिरपेक्ष राष्ट«का बिषयमा निर्णय लिएपछि कांग्रेसले मानेपनि केही नेताले भने असन्तुष्टी जनाउँदै आएका थिए ।
कांग्रेसका तत्कालिन नेता खुमबहादुर खड्काले धर्मनिरपेक्षताका बिषयमा जनमतसंग्रह माग गर्दै आएका थिए । उनको माग न कांग्रेसले सुन्यो नत गिरिजाप्रसाद कोइरालाले सुने । उनी दिंवगत भएको एक बर्षपछि कोइराला परिवारकै सदस्य शशांकले हिन्दू राष्ट्रका पक्षमा बहस थालेका छन् ।
बुधवार कांग्रेस केन्द्रीय समितिको बैठकमा महामन्त्री शशांकको सार्वजनिक धारणा बहस समेत भयो । अधिकाँस केन्द्रीय सदस्यहरुले हिन्दुराष्ट कांग्रेसको एजेण्डा बनाउनु पर्ने धारणा राख्दा पूर्वमहामन्त्री कृष्णप्रसाद सिटौला भने हिन्दुराष्ट एजेण्डाको बिपक्षमा देखिएका छन् ।
बैठकमा सिटौलाले हिन्दुराष्टका पक्षमा पार्टीभित्र ठुलो बहसको आवश्यकता भएको बताए । उनले भने हिन्दू राष्ट्रको एजेण्डा लिदैमा पार्टी ठुलो नहुँने जिकिर गरेका छन् । हिन्दू राष्ट्रको एजेण्डाले पार्टी ठुलो हुनेभए कमल थापाको पार्टी किन सुक्यो रु बैठका सिटौलाले प्रतिपश्न गरे ।
