रौतहट । आफ्नै श्रीमतीलाई जबरजस्ती करणी गरेको आरोपमा एक जना पक्राउ परेका छन् । रौतहटको चन्द्रपुर नगरपालिकामा एक महिलाले आफुलाई श्रीमानले जबरजस्ती करणी गरेको भन्दै उजुरी दर्ता गराएका हुन् । उक्त उजुरीको आधारमा प्रहरीले चन्द्रपुर–५ उनका श्रीमानलाई पक्राउ गरेको हो ।
३३ वर्षीया ती महिलाई ईच्छा विपरीत गत मंसिर २८ गते पतिले राति मादक पदार्थ सेवन गरी कुटपिट गर्दै ईच्छा विपरीत जबरजस्ति करणी गरेको आरोप लगाउदै प्रहरी कार्यालयमा उजुरी दर्ता गराएकी हुन् ।
महिलाका श्रीमानलाई प्रहरीले सोमबार जबरजस्ति करणीको मुद्दा दर्ता गराई अदालतबाट १५ दिनको म्याद थप गरी अनुसन्धान अगाडि बढाएको छ ।
मुलुकी अपराध संहिता ऐन २०७४ मा बैवाहिक सम्बन्ध कायम रहेको अवस्थामा पतिले पत्नीको ईच्छा विपरीत जबरजस्ती गरेमा ५ वर्षसम्म कैद हुने बेबस्था गरिएको छ ।
