काठमाडौँ । नेपाली राष्ट्रिय टोलीका युवा लेग स्पिनर सन्दीप लामिछाने अन्र्तराष्ट्रिय क्रिकेट खेलमा एकपछि अर्के गर्दै छलाङ मारिरहेका छन् । उनले हालै खेलेको अष्ट्रेलियाको प्रतिष्ठित क्रिकेट लिग बिग ब्यास लिगमा पनि उतिकै रुपमा आफ्नो प्रभाव जमाइरहेका छन् ।
अष्ट्रेलियाको विभिन्न रंगशालामा हुने खेल हेर्न र सन्दीपलाई हौसला दिन अष्ट्रेलियामा यतिखेर सन्दीपको साथसाथै नेपाली खेल प्रेमि पनि जहाँ जहा खेल हुन्छ त्यहि पुग्ने क्रम जारी छ।
मेल्वर्न स्टार्समा अनुबन्धित सन्दीपको मंगलबार हुने खेल हेर्न नेपाली राष्ट्रिय टोलीका कप्तान पारस खड्का पनि मैदानमा पुग्ने भएका छन्।
एक्स्पर्ट क्रिकेट फेस्टिभलमा भाग लिन केही दिनअघि पारस र यू–१९ टोलीका कप्तान दीपेन्द्रसिंह ऐरी तीन साताका लागि अष्ट्रेलिया गएका थिए। त्यसै क्रममा आफ्नो देशबाट प्रतिनिधित्व गरेका सन्दीपको खेल पारस खड्का लगाएतका नेपाली खेलाडिले पनि हेर्ने भएका हुन् ।
मेल्वर्न रेनेगेड्सविरूद्ध मंगलबार नेपाली समयअनुसार दिउँसो दुई बजे हुने खेल पारसले मेल्वर्न स्टार्सकै डाइरेक्टर बक्समा बसेर हेर्ने छन् ।
जारी बिग ब्यास लिगमा सन्दीपले तीन खेलमा सात विकेट लिएका छन्। तीमध्ये मेल्वर्न स्टार्सले दुई खेलमा हार र एक खेलमा जित निकालेको छ तर सन्दीपले भने तीनै खेलमा बलिङको जादु देखाएका छन्।
