काठमाडौँ । दिउँसो तीन बजे सुरू भएको प्रतिनिधि सभाको आजको बैठक १५ मिनेटको लागि स्थगित भएको छ ।
प्रमुख प्रतिपक्षी नेपाली कांग्रेसको अवरोध गरेपछि बैठक अगाडि बढ्न नसकेको हो। कांग्रेसका सांसदहरूले रोष्टम घेराउ गरेपछि सभामुख कृष्णबहादुर महराले बैठक स्थगित गरेका हुन्।
बैठकको सुरूमा बोल्दै कांग्रेस सांसद प्रकाशमान सिंहले बोलेपछि कांग्रेस सांसदहरू बैठक आगाडि बढ्न रोक लगाएका हुन् । रोष्टम घेराउ गर्न गउका कांग्रेसका सांसदहरुलाई मर्यादा पालहरुले रोकेपछि सांसद मीनेन्द्र रिजालले कहाँसम्म आउने भन्ने मर्यादापालकले तय गरेको हो की ? सभामुखले तय गरेको की, गृहमन्त्रीले तय गरेको प्रतिप्रश्न गरेका थिए ।
कांग्रेसले नेताद्धय गिरिजाप्रसाद कोइराला र सुशील कोइरालाको नाममा खुलेको अस्पताल बन्द नगराउन सरकारलाई दवाव दिएपनि सरकारले आफु खुशि काम गरेको भन्दै बिरोध जनाएका हुन् । दोस्रो पटक संसद अबरुद्ध भएपनि सरकारले कुनै चासो नदिएको प्रति कांग्रेस सांसदहरुको आपत्ति देखाएका छन् ।
