काठमाडौं । नेपाली क्रिकेट टीमका खेलाडी सन्दीप जोरा टी ट्वान्टी प्रतियोगितामा सबैभन्दा कम उमेरमा अर्धशतक बनाउने खेलाडी बनेका छन् ।
यू–१९ क्रिकेट टिमका खेलाडी समेत रहेका जोराले युएईविरुद्धको पहिलो टी ट्वान्टी सिरिजको पहिलो खेलमा डेब्यु गर्ने क्रममा जोराको उमेर १७ वर्ष १०३ दिन रहेको थियो। पहिलो खेलमै जोराले ४२ बलमा अर्धशतक पूरा गरेका थिए ।
टि–२० अन्तर्राष्ट्रियमा यस अघि क्यानडाका खेलाडी हिराल पटेलको नाममा टि-२० अन्तर्राष्ट्रियमा कान्छो उमेरमा अर्धशतक बनाउने रेकर्ड थियो। पटेलले १८ वर्ष १७७ दिनको उमेरमा आयरल्याण्डसंग सन् २०१० मा अविजित ८८ रनको इनिंग खेल्दै उक्त विश्व रेकर्ड कायम गरेका थिए।
अफगानिस्थानका ब्याट्सम्यान उस्मान घानीले १८ वर्ष ३४२ दिनमा अर्धशतक बनाएका थिए जो सुचीमा तेश्रो स्थानमा छन्। सुचीमा घानीनै चौथो र पाकिस्तानका एहमद शहजाद पाँचौ स्थानमा छन् भने पाकिस्तानकै उमेर अकमल छैठौं स्थानमा छन्।
