रसुवा । नेपाल प्रहरीले एकपछि अर्को सफलता हात पारेको छ । रसुवामा २४ लाख रुपैयाँ बराबरको सुनसहित १ जना पक्राउ परेका छन् ।
शुक्रबार पासाङ ल्हामु राजमार्गको खोपाङबाट गोसाइँकुण्ड गाउँपालिका–१ थुमनका २९ वर्षीय दावा छिरिङ तामाङ ४६२ ग्राम सुनसहित पक्राउ परेका हुन् ।
काठमाडौंतर्फ जाँदै गरेको बसमा जिल्ला प्रहरी कार्यालयबाट खटिएको टोलीले जाँच गर्दा तामाङको प्यान्ट्सको खल्तीमा सुन भेटिएको प्रहरी निरीक्षक रञ्जन अवाले जानकारी दिए । सुनको बजार मूल्य २४ लाख ५९ हजार रुपैयाँ रहेको छ ।
