काठमाडौँ । प्रधानमन्त्री केपि शर्मा ओलीले विप्लव नेतृत्वको नेकपा समूहलाई कानूनी दायरमा ल्याउने बताएका छन् ।उनले हत्याको लिस्टमा नेताहरु राखेर मान्छे खटाएको भन्दै विप्लव समूहलाई छुट नहुने बताएका हुन् ।
सोमबार संसद भवनमा बसेको नेकपा संसदीय दलको बैठकमा सांसदहरुलाई सरकारका कामबारे जानकारी दिँदै ओलीले फलानो नेता मार्न खटाउने क फलानो भनेर हत्यारा खटाएको आरोप लगाए ।
‘हामी सहिषुष्ण व्यवहार गर्ने, उनीहरुले हत्याको लिस्टमा नेताहरु राखेर मान्छे खटाउने । “प्रधानमन्त्री ओली”ले भने , क फलानो नेता मार्न खटाउने क फलानो, ख फलानो नेता मार्न खटाउने ख फलानो यस्ता नक्कली क/ख हरुलाई छुट दिन सकिँदैन, समातने हो ।’
उनले विप्लव समूहले हरिया हथौडाकै झण्डा, कम्युनिष्ट पार्टीकै नाम राखेर कम्युनिस्ट पार्टीको सरकारलाई असफल पार्ने खोजेको आरोप लगाए । उनले भने, विकास निर्माणका काम हुन नदिएको, समाजवाद उन्मुख प्रयासहरुमा अवराध गरेका छन् ।
कम्युनिस्ट नाम भएकाले लुटेको पनि ठीकै छ भनेको भन्दै उनले सरकारले छुट नदिने बताए ।
