बुटवल । नेपाली काँग्रेसकी नेतृ डा. डीला संग्रौलाले बालुवाटार र सिहंदरबार भित्रैबाट अपराधीको संरक्षण हुने गरेको आरोप लगाएकी छिन् । उनले निर्मला पन्त हत्या भएको यति लामो समयसम्म पनि हत्यारा पत्ता लगाउन नसकिनुले यो कुरा स्पष्ट पारेको बताएकी हुन् ।
बुटवलमा सञ्चारकर्मीहरुसँग कुरा गर्दै संग्रौलाले प्रधानमन्त्री र गृहमन्त्रीले बालुवाटार अनि सिहंदरबार भित्रैबाट अपराधीको संरक्षण गरिएकाले प्रहरीले पन्तका हत्यारालाइ पक्राउ गर्न नसकेको बताइन् ।उनले सुरक्षा शान्ति, सुशासन र समृद्धिको मुद्दामा सरकार पूर्ण रुपमा असफल भएको दावी गरिन् ।
‘ सरकारबाट नै हत्यारालाई संरक्षण छ, नत्र बलात्कारपछि हत्या भएको एक नाबालिकाको ८ महिना बितिसक्दा पनि हत्यारा गर्ने अपराधी किन पत्ता लगाउन सक्दैन् ? नेतृ ‘संग्रौलाले भनिन्’, सरकार नालायक र भ्रष्ट सरकार हो ।’
राष्ट्रियताको सवालमा सिके राउत र प्रधानमन्त्री केपी शर्मा ओली एकै सिक्काका दुई पाटामा उभिएको उनको दाबी छ । उनले विप्लव नेकपालाई प्रतिबन्ध लगाएर देशलाइ मूठभेड तीर धकेल्न खोजेको आरोप पनि लगाइन ।
