हेटौंडा । मकवानपुरस्थित जनसरोकार केन्द्र संयोजक धुव्रप्रसाद चौलागाईंले हेटौंडालाई नै प्रदेश ३ को स्थायी राजधानीे बनाएर अन्योल अन्त्य गर्न माग गरेका छन् । हेटौंडा सबै दृष्टिकोणले स्थायी राजधानीको लागि उपयुक्त रहेको भन्दै उनले हेटौंडालाई नै राजधानी बनाउन उपयुक्त हुने बताए ।
मङ्गलबार हेटौंडामा आयोजित पत्रकार सम्मेलनमा उक्त केन्द्रका संयोजक चौलागाईंले सबै जिल्लाबाट नजिक भएकाले राजधानी अन्यत्र सार्नुभन्दा ९० प्रतिशत यहाँको वातावरण सहज भएकैले हेटौंडालाई नै राजधानी स्वीकार गर्नु उपयुक्त हुने बताए ।
‘सवारीसाधन जाममा परेर एम्बुलेन्समै बिरामीको मृत्यु भइरहेको देशको राजधानी काठमाडौँलाई थोरै भए पनि राहत दिन, हेटौंडालाई काठमाडौँको वैकल्पिक शहरका रुपमा विकास गर्न गर्नुपर्छ ।’
