भारतमा अहिले लोकसभा चुनावको माहोल तातेको बेलमामा चुनावी अभियानको क्रममा बिभिन्न घोषणाहरु गर्न काम भइरहेको छ । यसै क्रममा तमिलनाडुका एकजना स्वतन्त्र उम्मेदवारीले आफुले चुनाव जितेमा सबै मतदाताको घरमा १०–१० लिटर रक्सी सित्तैमा दिने घोषणा गरेका छन् ।
५५ वर्षका शेख दाउदले उक्त घोषण गरेका हुन् । उनि पेशाले सूूचिकार रहेका छन् । उनि तीरुपुर लोकसभा क्षेत्रबाट चुुनावमा उठेका छन् ।
उनले हरेक परिवारका लागि १०लिटर रक्सी मानिसहरुलाई बिगार्नका लागि बितरण गर्ने योजना नबनाएको भन्दै पुड्डुचेरीको शुद्ध ब्राण्डी रक्सी औषधि जस्तै हुने हुनाले हरेक महिना रक्सी वितरण गर्ने उनको भनाइ छ ।
चुनावी घोषणापत्रमा विभिन्न १५ वटा बुँदा राखेका उनले महिलाका लागि विशेष व्यवस्था गरिएको छ । आफुले चुनाव जितेमा निर्वाचत क्षेत्र भित्रका हरेक महिलालाई मासिक २५ हजार भत्ता दिने घोषणा पनि उनको छ ।
साथै उनले घोषणापत्रमा हरेक परिवारका एक जनालाई सरकारी जागिर दिने, हरेक छोरीलाई बिहेको बेला १० वटा सुनका सिक्का र १० लाख नगद दिने जस्ता घोषणा पनि गरेका छन् ।