काठमाडौं । कांग्रेस आईका अध्यक्ष राहुल गान्धीले राफेल काण्डमा प्रधानमन्त्री नरेन्द्र मोदी जेल जान सक्ने बताएका छन् ।
हिन्दुस्तान टाइम्ससँग शुक्रबार सुरतमा कुराकानी गर्दै राहुलले भने, ‘हिन्दु पत्रिकामा राफेलसँग सम्बन्धित जुन दस्तावेज छापिएको छ, त्यसबाट स्पष्ट हुन्छ कि नरेन्द्र मोदीले भारतको नेगोसिएशन टिमलाई बाइपास गरेर राफेलको मोलमोलाइ सीधै द साल्ट कम्पनीसँग गरेका थिए । यिनै कागजातको आधारमा नरेन्द्र मोदी जेल जान सक्छन् ।’
राहुल अगाडि भन्छन्, ‘बाइपास गर्नुमा कुनै न कुनै कारण त होला । एउटै कारण हुनसक्छ भ्रष्टाचार । मोदीले ति कागजातका बारेमा अझैसम्म केही बोलेका पनि छैनन् ।’
