हेटौंडा । हेटौंडाबाट मकवानपुरको उत्तरी क्षेत्र जाने त्रिभुवन राजपथ (बाइरोडको बाटो) सडक निकै जीर्ण बन्दै गएको छ ।
नेपालको इतिहास बोकेको सडकमा पिच उप्किएर खाल्डाखुल्डी बढेका छन् । हेटौंडादेखि भैंसे बजारसम्मको सडक केही राम्रो भए पनि भैंसेबाट माथि लागिसकेपछि सडक निकै जीर्ण र खाल्डाखुल्डी देखिएका हुन् ।
पुरानो सडकमा धेरै स्थानमा खाल्डाखुल्डी र पिच उप्किएर उक्त सडक कच्चीजस्तै बनेको छ । हिउँदमा तराई र हेटौंडामा निकै गर्मी बढेपछि दामन, पालुङ घुम्न जाने धेरै हुन्छन् । तर, सडकको खाल्डाखुल्डीका कारण दुर्घटनाको त्रास बढेको सवारीचालक बताउँछन् ।
पूर्वपश्चिम राजमार्गमा अवरोध हुँदा हेटौंडा–काठमाडौं ओहोरदोहोर गर्ने बैकल्पिक मार्गका रुपमा रहेको त्रिभुवन राजपथ जीर्ण बन्दै गए पनि मर्मतसम्भारमा कुनै कार्यालयले चासो नदिएको तरकारी लोड गरेर हेटौंडा आउँदै गरेका ट्रकचालक श्याम सापकोटा बताउनुहुन्छ । यो समाचार आजको नेपाल समाचारपत्रमा छ ।
