काठमाडौँ । सुनसरीको दुहबी नगरपालिकाका एक युवाले वडा कार्यालयले नागरिकताको सिफारिस नगरिदिएको भन्दै आत्महत्या गरेका छन् ।
वडा कार्यालयले नागरिकता सिफारिस गर्न नमानेपछि दुहबी नगरपालिका–३ का हरी मण्डलले आत्महत्या गरेको परिवारले जनाएको छ ।
नागरिकताको सिफारिस माग्दै वडा समितिको कार्यालयमा पटक–पटक पुगे पनि वडाध्यक्ष माधवबहादुर भण्डारीले कागजात नपुगेको भन्दै सिफारिस नदिएकोले आवेशमा आएर छोरा हरी मण्डलले आत्महत्या गरेको आमा गीतादेवीले बताएकी छन् ।
मण्डल परिवार तीन पुस्तादेखि दुहबीमा बस्दै आएको छन् । समाचार नयाँ पत्रिका दैनिकले छापेको छ ।
