भोजपुर । भोजपुर सदरमुकाम नजिकैको देउराली सौदाचोकस्थित बुधबार विहान साढे ११ बजेतिर शंकास्पद वस्तु फेला परेको छ । रातो झोलामा राखिएको वस्तु बम भएको आशंकामा स्थानीयबासीले प्रहरीलाई खबर गरेका छन्।
देउराली चोकबाट बोखिमतर्फ जाने बाटोको सिँढीमा झोलामा शंकास्पद बस्तु फेला परेको हो । उक्त शंकास्पद बस्तु बम हुन सक्ने आशंकामा नेपाली सेनाको बम डिस्पोजल टोलीलाई खबर गरिएको छ । शंकास्पद बस्तु राखिएको वरपरका स्थानीयवासी त्रसित बनेका थिए । शंकास्पद बस्तु रहेको झोला देखेपछि स्थानीयले प्रहरीलाई खबर गरेका थिए ।
यता भोजपुरको टेम्केमैयुङ गाउँपालिका–१, तिम्मास्थित वडा कार्यालयमा मंगलबार राति अज्ञात समूहले तोडफोडका साथै आगजनी गरेको छ ।
वडा कार्यालयको ताला फोडेर कार्यालयमा रहेको महत्वपूर्ण कागजातलगायत कार्यालयका सामानहरुमा तोडफोड र आगजनी गरेको जिल्ला प्रहरी कार्यालय, भोजपुरले जनाएको छ ।
अज्ञात समूहले वडाध्यक्ष र वडा सचिवको कार्यकक्षको ताला फोडेर सामानहरु तोडफोड गर्नुका साथै कम्प्यूटर, टेबुल, कुर्सी, प्रिन्टर, इन्टरनेटका सामाग्री, महत्वपूर्ण कागजातहरु जलाएको इन्सेपेक्टर पाण्डव राजवंशीले बताए ।