बर्दिया । अवैध रुपमा चन्दा उठाउने कार्यमा संलग्न २ जनालाई प्रहरीले पक्राउ गरेको छ। पक्राउ पर्नेहरुमा गुलरिया ठाकुरबाबा नगरपालिका–३ बस्ने ३३ वर्षीय दिल बहादुर कठायत र बढैयाताल गाउँपालिका–४ बस्ने ३६ वर्षीय बिसोम्बर थारु रहेका छन्।
उनिहरुलाई जिल्ला प्रहरी कार्यालय वर्दियाबाट खटिएको प्रहरीले गुलरिया नगरपालिका–५ मतङगा चोकबाट सोमबार अवैध रुपमा चन्दा उठाइरहेको अवस्थामा पक्राउ गरेको हो।
उनीहरुको साथबाट काटेको चन्दा रसिदको ठेली १ थान, नकाटिएको ठेली ६ थान, सदस्यता पत्र २० थान, विभिन्न कमिटी गठन गरेको बुक १ थान, गाउँपालिका अन्तर्गत समूह गठन गरेको बुक १ थान, विभिन्न व्यक्तिबाट चन्दा उठाएको बुक १ थान र ४ हजार ३ सय रुपैयाँ समेत प्रहरीले बरामद गरेको छ ।
यस सम्बन्धमा स्थानीय प्रहरीले थप अनुसन्धान गरिरहेको छ ।
