दमौली । तनहुँको भिमाद–७ राङरुङमा ट्याक्टले ठक्कर दिँदा एक बालकको मृत्यु भएको छ ।
भिमाद बजारबाट राङरुङतर्फ जाँदै गरेको लु ४ त १४५० नम्बरको ट्याक्टरले स्थानीय १० वर्षीय बालक युनिस विकलाई ठक्कर दिएको ईलाका प्रहरी कार्यालय भिमादका प्रहरी नायब निरीक्षक भेषराज रेग्मीले बताए ।
गम्भीर घाइते उनको भिमादस्थित भारम स्वास्थ्य क्लिनिकमा उपचारका लागि पुर्याएको थियो । उपचार गर्ने क्रममा चिकित्सकले बालकलाई मृत घोषणा गरेका थिए ।
