काठमाडौँ । नेपाली बजारमा सुनको मूल्य मंगलबार तोलामा ३ हजार ५०० रुपैयाँले बढेको छ।
नेपाल सुनचाँदी व्यवसायी महासंघका अनुसार सोमबार प्रतितोला ३ लाख १ हजार ९०० रुपैयाँमा कारोबार भएको छापावाल सुनको मूल्य मंगलबार बढेर ३ लाख ५ हजार ४०० रुपैयाँ पुगेको हो।
यसैगरी, चाँदीको मूल्य पनि मंगलबार प्रतितोला १०० रुपैयाँले बढेको छ। महासंघका अनुसार चाँदी प्रतितोला ४ हजार ७९० रुपैयाँमा कारोबार भइरहेको छ।
पछिल्लो समय अन्तर्राष्ट्रिय बजारमा सुनको मूल्यमा देखिएको उतारचढावको प्रभाव नेपाली बजारमा समेत परेको व्यवसायीहरू बताउँछन्।
