काठमाडौँ। टर्कीको राजधानी अंकारास्थित नल्लिहान जिल्लामा शुक्रवार एउटा कोइला खानी भत्किँदा एक श्रमिकको मृत्यु भएको छ भने अन्य १२ जना घाइते भएका छन् ।
स्थानीय समाचार एजेन्सी डीएचएका अनुसार उक्त दुर्घटना शुक्रवार अपराह्न करिव ५ बजे भएको हो । नल्लिहानमा रहेको ‘चायिर्हान कोल इन्टरप्राइजेज’ द्वारा सञ्चालित खानीको एक भाग अचानक भत्किँदा उक्त हताहती भएको हो ।
खानी भत्किएपछि शुरुमा ९ जना श्रमिकहरू भित्रै थुनिएका थिए । उद्धार टोलीले तीमध्ये ८ जनालाई घाइते अवस्थामा जीवितै उद्धार गरेको थियो भने एक जना श्रमिकको शव फेला पारेको थियो ।
घाइते श्रमिकहरूलाई तत्काल उपचारका लागि एम्बुलेन्समार्फत बेपाजारी स्टेट अस्पताल लगिएको छ । सुरुमा घाइतेहरूको संख्या केही कम बताइए पनि पछि डीएचएले घाइते हुनेहरूको कुल संख्या १२ पुगेको पुष्टि गरेको छ ।
यस दुःखद् घटनाका सम्बन्धमा स्थानीय अधिकारीहरूले आवश्यक अनुसन्धान शुरु गरिसकेका छन् । सिन्ह्वा/न्युज एजेन्सी नेपाल
