काठमाडौँ। नेपाल उद्योग वाणिज्य महासंघका वस्तुगत उपाध्यक्ष नरेशलाल श्रेष्ठले मुलुकको आर्थिक अवस्था सुदृढ बनाउन विकास बजेटको खर्च बढाउनुपर्ने र खुला अर्थतन्त्रको मर्मअनुसार नीतिहरू तर्जुमा हुनुपर्ने बताउनुभएको छ ।
सोमवार काठमाडौंमा आयोजित ‘शैक्षिक परामर्श, भाषा शिक्षण तथा तयारी कक्षा (सञ्चालन र व्यवस्थापन) नियमावली, २०८३ कार्यान्वयन, चुनौती र सहकार्यका सम्भावना’ विषयक छलफलमा बोल्दै उपाध्यक्ष श्रेष्ठले वर्तमान बजेट संरचना र सरकारी कार्यशैलीप्रति असन्तुष्टि व्यक्त गर्नुभएको हो ।
उहाँले करिब २४ खर्ब रुपैयाँको बजेटमा विकासतर्फको खर्च अत्यन्तै न्युन हुनु चिन्ताको विषय भएको बताउनु भयो । डेढ खर्ब रुपैयाँको विकास बजेट खर्च गरेर २४ खर्बको लक्ष्य भेटाउन सम्भव नरहेको उहाँको भनाइ छ ।
उहाँकाअनुसार अर्थतन्त्रलाई वास्तविक रूपमा चलायमान बनाउने हो भने विकास बजेटको आकार कम्तीमा १२ खर्ब पु¥याइनुपर्छ र त्यसलाई प्रभावकारी रूपमा खर्च पु¥याउनुपर्छ ।
उपाध्यक्ष श्रेष्ठले नेपाली विद्यार्थीलाई विदेश पलायन हुनबाट रोक्न नेपालमै उच्चस्तरीय गुणस्तरीय शिक्षाको सुनिश्चितता हुनुपर्ने बताउनु भयो । उहाँले विश्वप्रख्यात विश्वविद्यालयहरूसँगको साझेदारी वा संयुक्त लगानी (जोइन्ट भेन्चर) मा नेपालमै उच्च शिक्षाका केन्द्रहरू खोल्न सरकारले ध्यान दिनुपर्ने सुझाव दिनुभयो । यसका लागि दीर्घकालीन सोचका साथ अघि बढ्न उहाँले सरकारलाई आग्रह गर्नुभ्यो ।
उहाँले भन्नुभयो, ‘ आर्थिक अवस्था चलायमान बनाउन खुला अर्थतन्त्र हुनुपर्छ । डेढ खर्ब रुपैयाँको विकास बजेट खर्च गरेर २४ खर्बको लक्ष्य भेटाउन सम्भव छैन । सरकारको सोच नै गलत छ । अर्थतन्त्रलाई वास्तविक रूपमा चलायमान बनाउने हो भने विकास बजेटको आकार कम्तीमा १२ खर्ब पु¥याइनुपर्छ र त्यसलाई प्रभावकारी रूपमा खर्च गरिनुपर्छ । आफ्नै देशमा अन्तर्राष्ट्रिय स्तरको शिक्षा र स्वास्थ्य सेवा उपलब्ध गराउन सके विद्यार्थीहरू विदेश जानुपर्ने बाध्यता अन्त्य हुनेछ ।’शैक्षिक
हाँले जोड दिनुभयो । व्यवसायीहरूलाई सहज रूपमा काम गर्ने वातावरण निर्माण गरिदिन उहाँले सरकारसँग माग गर्नुभयो ।–न्युज एजेन्सी नेपाल
