काठमाडौं । पूर्वअर्थमन्त्री रामेश्वर खनालले उद्यमी–व्यवसायीको घर तथा कार्यस्थलमा छापा मार्ने प्रहरीको कार्यशैलीप्रति प्रश्न उठाएका छन्।
उनले सामाजिक सञ्जालमा लेख्दै उद्यमी–व्यवसायीको घर तथा कार्यस्थलमा छापा मार्ने काम उचित नभएको बताएका हुन्।
खनालले आज मोरङ प्रहरीले औद्योगिक घराना देवेनारा समूहका मुन्दडा परिवारको घरमा बिहानै ठूलो संख्यामा हतियारधारी प्रहरी परिचालन गरी खानतलासी गरेको र अन्ततः केही फेला नपरेको विषयमा उक्त प्रश्न उठाएका हुन् ।
