काठमाडाैँ । सिन्धुलीको फिक्कल गाउँपालिका–२ नवलपुरस्थित सुनकोशी नदीमा कार खसेको छ ।
जिल्ला प्रहरी कार्यालय सिन्धुलीका अनुसार बसको ठक्करपछि कार नदीमा खसेको सूचना प्राप्त भएको हो ।
घटना जानकारी पाएलगत्तै नेपाल प्रहरी र सशस्त्र प्रहरीको टोली उद्धार तथा खोजीका लागि घटनास्थलतर्फ परिचालन गरिएको छ । कारमा कति जना सवार थिए भन्नेबारे अहिलेसम्म यकिन हुन नसकेको प्रहरीले जनाएको छ ।
घटनाबारे थप विवरण आउन बाँकी रहेको प्रहरीले जनाएको छ ।
