काठमाडौँ। संयुक्त राज्य अमेरिकाको सेन्ट्रल कमाण्ड (सेन्टकम) ले जोर्डनमा भएको इरानी आक्रमणमा परी दुई अमेरिकी सैनिकको मृत्यु भएको पुष्टि गरेको छ ।
सेन्टकमले सामाजिक सञ्जाल एक्समार्फत शनिवार जारी गरेको विज्ञप्तिअनुसार इरानले गरेको ब्यालिस्टिक क्षेप्यास्त्र र ड्रोन आक्रमणको प्रतिकार गर्ने क्रममा ती सैनिकहरू मारिएका हुन् ।
उक्त घटनामा एक अमेरिकी सैनिक अझै पनि बेपत्ता रहेको जानकारी दिइएको छ । आक्रमणमा परी घाइते भएका अन्य चार सैनिकलाई उपचारका लागि जोर्डनका स्थानीय अस्पतालहरूमा भर्ना गरिएको थियो ।
उनीहरू उपचारपछि अस्पतालबाट डिस्चार्ज भइसकेका छन् । यस्तै, सामान्य चोट लागेका अन्य सैनिकहरू भने प्राथमिक उपचारपछि पुनः आफ्नो जिम्मेवारीमा फर्किएको सेन्टकमले जनाएको छ । सिन्ह्वा/ न्युज एजेन्सी नेपाल
