काठमाडौं । राष्ट्रिय प्रजातन्त्र पार्टी (राप्रपा)का वरिष्ठ नेता तथा पूर्वमन्त्री फत्तेसिंह थारुको निधन भएको छ।
थारुको निधनप्रति राजनीतिक तथा सामाजिक क्षेत्रका विभिन्न व्यक्तित्वहरूले दुःख व्यक्त गर्दै श्रद्धाञ्जली अर्पण गरेका छन्। उनी नेपालगन्जका प्रतिष्ठित सामाजिक तथा राजनीतिक व्यक्तित्वका रूपमा परिचित थिए।
श्रद्धाञ्जली सन्देशमा दिवंगत थारुको आत्माको चिरशान्तिको कामना गर्दै भावपूर्ण श्रद्धाञ्जली अर्पण गरिएको छ। साथै, उनका सुपुत्र राप्रपा युवा नेता तारक सिंह थारु, छोरी शिवानी सिंह थारु तथा शोकसन्तप्त परिवारजनप्रति हार्दिक समवेदना व्यक्त गरिएको छ।
फत्तेह सिंह थारुले लामो समय नेपाली राजनीतिमा सक्रिय भूमिका निर्वाह गर्नुका साथै सामाजिक क्षेत्रमा पनि उल्लेखनीय योगदान पुर्याएका थिए।
