काठमाडौं । नेकपा एमालेको ‘सदस्यता नवीकरण तथा विस्तार उत्प्रेरणा’ सम्बन्धी दुईदिने राष्ट्रिय कार्यशाला काठमाडौंमा सुरु भएको छ। कार्यशालाको उद्घाटन पार्टी अध्यक्ष ले गरेका छन्।
गत २१ फागुनमा सम्पन्न प्रतिनिधिसभा निर्वाचनपछि ओली पहिलोपटक सार्वजनिक कार्यक्रममा देखिएका हुन्। उनले केन्द्रीय संगठन विभागद्वारा आयोजित कार्यशालाको उद्घाटन गमलामा रोपिएको बिरुवामा पानी हालेर गरेका थिए।
काठमाडौंको बबरमहलस्थित कार्की बैंक्वेटमा आयोजित कार्यशाला पार्टीको संगठनात्मक सुदृढीकरण र गतिशीलता बढाउने उद्देश्यसहित आयोजना गरिएको एमाले प्रचार विभाग प्रमुख निरज आचार्यले जानकारी दिए।
कार्यशालामा प्रदेश तथा जिल्ला इन्चार्ज, प्रदेश कमिटी वा सो सरहका कमिटीका पदाधिकारी, कार्यालय सचिव, जिल्ला कमिटी अध्यक्ष, संगठन विभाग प्रमुख तथा जनसंगठनका केन्द्रीय प्रतिनिधिहरू सहभागी रहेका छन्।
एमालेका अनुसार कार्यशालामा पार्टी सदस्यता विस्तार, नवीकरण प्रक्रिया र संगठन सुदृढीकरणका भावी योजनाबारे छलफल तथा अभिमुखीकरण गरिनेछ।
