काठमाडौं । नेपाली कांग्रेसका सभापति गगन कुमार थापाले मुस्लिम समुदायको महान् पर्व बकर इद (ईद–उल–अज्हा) का अवसरमा देश तथा विदेशमा रहेका सम्पूर्ण नेपाली मुस्लिम समुदायप्रति हार्दिक शुभकामना व्यक्त गरेका छन्।
शुभकामना सन्देश जारी गर्दै उनले नेपालको बहुजातीय, बहुभाषिक तथा बहुसांस्कृतिक सम्पन्नता नै देशको सबैभन्दा ठूलो शक्ति भएको उल्लेख गरेका छन्। उनले नेपाली समाजमा रहेका विभिन्न चाडपर्व केवल सांस्कृतिक परम्परा मात्र नभई समाजलाई जोड्ने बलियो माध्यम भएको बताएका छन्।
सभापति थापाले बकर इदले नेपालीहरूबीच आपसी प्रेम, सहिष्णुता, सामाजिक एकता तथा सहकार्यको भावनालाई थप मजबुत बनाउने विश्वास व्यक्त गरेका छन्।
