काठमाडौं । मंसिरको पहिलो साता जापानको टोकियोमा आयोजना हुने सूर्य इन्टरनेसलन अवार्ड २०१९ मा अग्रज कलाकारलाई सम्मान गरिने भएको छ । आयोजक संस्था सूर्य कर्पोरेसनले विज्ञप्ति जारी गर्दै सम्मानको घोषणा गरेको हो । कार्यक्रममा अग्रज हास्यव्यंग्य कलाकार मदनकृष्ण श्रेष्ठ र हरिवंश आचार्यलाई कलाकारितासँगै गीतसंगीत, सामाजिक क्षेत्रमा योगदान पुर्याएको भन्दै ‘सूर्यरत्न सम्मान–२०१९’बाट सम्मानित गर्न लागिएको आयोजक संस्थाका अध्यक्ष बासुदेव लामिछानेले जानकारी गराएका छन् ।
यस्तै, चार दशकभन्दा लामो समयदेखि यस क्षेत्रमा सक्रिय रहँदै आएका चलचित्र निर्देशक, कलाकार, गीतकार तथा टेलिभिजनकर्मी नीर शाहलाई ‘सूर्य लाइफटाइम एचिभमेन्ट अवार्ड–२०१९’बाट सम्मानित गरिने भएको छ । यसैगरी चार/दुई दशकभन्दा समयदेखि अभियनमा सक्रिय अभिनेता विजय लामालाई ‘सूर्य कलाकारिता सम्मान’ प्रदान गरिने भएको छ । दुई दशकदेखि पत्रकारितामा सक्रिय लक्ष्मण सुवेदीलाई ‘सूर्य पत्रकारिता पुरस्कार–२०१९’ प्रदान गरिने भएको छ ।
पत्रकार सुवेदीलाई २५ हजार (जापनिज मुद्रा) सहित यो पुरस्कार प्रदान गर्न लागिएको हो । आयोजक लामिछानेले यो अवार्डका लागि चलचित्र र गीत संगीत क्षेत्रका ७० जनाभन्दा बढी कलाकार मंसिरको पहिलो साता जापान जाने जानकारी गराएका छन् । यो अवार्ड विभिन्न १२ विधामा प्रदान गरिने भएको छ । राजधानी दैनिकबाट
