काठमाडाैँ । राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानबहादुर शाहीले सरकारको नीति तथा कार्यक्रममाथिको छलफलमा प्रधानमन्त्री स्वयं उपस्थित हुनुपर्ने माग गर्नुभएको छ ।
प्रधानमन्त्रीले संसदलाई छलेर उत्तरदायित्वबाट विमुख हुन खोजेको आरोप लगाउँदै उनले यसप्रति कडा आपत्ति जनाएका जनाउनुभएको हो । संसद भवनबाहिर सञ्चारकर्मीहरूसँग कुरा गर्दै नेता शाहीले सरकारको नीति तथा कार्यक्रम संसद्मा प्रश्तुत गर्ने र उठेका प्रश्नहरूको जवाफ दिने दायित्व प्रधानमन्त्रीकै भएको स्पष्ट पार्नुभयो । प्रधानमन्त्री सिंहदरबारमा मन्त्रिपरिषद्को बैठक राख्न सक्ने तर संसद्मा आएर जनताका प्रतिनिधिहरूको प्रश्नको सामना गर्न नसक्ने विषय गम्भीर रहेको उहाँको तर्क छ ।
शाहीले प्रधानमन्त्रीको अनुपस्थितिलाई सत्तापक्ष र प्रतिपक्ष मात्र नभई समग्र सार्वभौम संसद्कै अपमानका रूपमा चित्रण गर्नुभयो ।
उनले राष्ट्रिय स्वतन्त्र पार्टी (रास्वपा) लाई समेत विगतको नजिर सम्झाउँदै यस विषयमा गम्भीर हुन आग्रह गर्नुभयो । विगतमा तत्कालीन प्रधानमन्त्री केपी शर्मा ओली संसद्मा अनुपस्थित हुँदा रास्वपाले विरोध जनाएको स्मरण गराउँदै शाहीले अहिलेको परिस्थितिमा पनि सबै दलले जवाफदेहिताको खोजी गर्नुपर्ने बताउनु भयो ।
प्रधानमन्त्रीले संसद छल्न खोजेको भन्दै कुनैपनि बहानामा प्रधानमन्त्री जवाफदेहिताबाट भाग्न नपाउने अडान दोहो¥याउनु भयो । प्रधानमन्त्रीको अनुपस्थितिकै कारण संसद बैठक १५ मिनेटका लागि स्थगित भएको जानकारी दिँदै उहाँले आगामी रणनीति छलफलपछि तय हुने बताउनु भयो ।
