काठमाडौं। संघीय मामिला तथा सामान्य प्रशासन मन्त्रालयले लोकसेवा आयोगबाट सिफारिस भइरहेका ‘कर्मचारी व्यवस्थापन गर्न नसक्ने’ भन्दै त्यसलाई रोक्न स्थानीय तहले गरेको आग्रह समाधान हुने दाबी गरेको छ ।
धमाधम सिफारिस चरणमा रहेको अवस्थामा केही स्थानीय तहले ‘कर्मचारी सिफारिस नगर्न’ गरेका आग्रह मन्त्रालयले सहजीकरण गर्ने बताएको हो ।
मन्त्रालय प्रवक्ता सहसचिव भुपाल बराल स्थानीय तहबाट निवेदन आइरहेकाले सिफारिस भएका कर्मचारीलाई सम्बन्धित तहमै व्यवस्थापन गर्ने वातारण बनाइने बताए । उनका अनुसार यस्तो अवस्था नभए अन्य विकल्पमार्फत व्यवस्थापन तयारी पनि भइरहेको छ । राजधानी दैनिकबाट
