काठमाडौं । सरकारले २० सह–सचिवको दरबन्दी थप प्रस्ताव स्वीकृत गरेको छ । विभिन्न पहाडी जिल्लामा सहसचिवस्तरको प्रमुख जिल्ला अधिकारी (सीडीओ) राख्ने प्रस्तावसहित दरबन्दी थप प्रस्ताव मन्त्रिपरिषद् पारित गरेको हो ।
यससँगै संघीय संरचनाअनुरूप पाँचथर, भोजपुर, खोटाङ, संखुवासभा, ओखलढुंगा, रामेछाप, दोलखा, लमजुङ, पर्वत, अर्घाखाँची, प्युठान, सल्यान, डोल्पा, बैतडी, जुम्ला, दैलेख, अछाम र डडेल्धुरालगायतका जिल्लामा सहसचिवस्तरको सीडीओ राख्ने प्रक्रिया सुरु भएको छ ।
स्रोतका अनुसार मन्त्रिपरिषद्बाट स्वीकृत भए पनि निजामति किताबखानामा दर्ता हुन बाँकी रहेकाले प्रक्रियामै छ । यसअघि विभिन्न समय मन्त्रिपरिषद्बाट पारित दरबन्दी थप प्रस्ताव निजामती किताबखानाबाट अस्वीकृत भएको थियो । राजधानी दैनिकबाट
