काठमाडौं । नेपाली कांग्रेस संसदीय दलका नेता भीष्मराज आङदेम्बेले राष्ट्रिय सभाका लागि सचेतकमा पदम बहादुर परियारलाई मनोनयन गरेका छन् ।
नेपाली कांग्रेस संसदीय दलको विधान (संशोधन तथा परिमार्जन सहित, २०८३) को धारा १३ (३) बमोजिम उक्त मनोनयन गरिएको संसदीय दलले जनाएको छ।
पार्टीका संसदीय गतिविधि तथा समन्वयलाई थप प्रभावकारी बनाउन सचेतकको जिम्मेवारीमा परियारलाई चयन गरिएको बताइएको छ।
यससँगै राष्ट्रिय सभामा नेपाली कांग्रेसको संसदीय कार्यलाई व्यवस्थित र सशक्त बनाउन महत्वपूर्ण भूमिका रहने अपेक्षा गरिएको छ।
