काठमाडौँ । पूर्वन्यायाधीश ईश्वर खतिवडाले सरकारको अध्यादेश जारी गर्ने शैली र मोहप्रति तीव्र असन्तुष्टि व्यक्त गर्नुभएको छ।
पछिल्लो समय राजनीतिक वृत्तमा अध्यादेशको चर्चा चलिरहँदा खतिवडाले यसलाई पुरानो रोगको पुनरावृत्ति को संज्ञा दिनुभएको हो।
हिजोका दिनमा पनि अध्यादेशको चरम दुरुपयोग भएको स्मरण गराउँदै उहाँले वर्तमान समयमा पनि त्यो ‘दुरुपयोगको रहर’ यथावत् रहेको उल्लेख गर्नुभएको छ।
खतिवडाका लेख्नु भएको छ
अध्यादेश जारी गर्ने अधिकारको हिजोका दिनमा पनि चरम दुरुपयोग गरिएको थियो, अहिले पनि दुरुपयोगको रहर यथावत् रहेछ । पहिले पहिले अध्यादेश जारी गर्ने अधिकारको दुरुपयोग गर्नेहरुले अव चैँ नयाँ भाष्य अगाडि सारेछन् । अहिले जारी गर्नेहरुसंग “शासकीय सहजताको लागि” भन्नु बाहेक अरु कुनै वैध कारण भएको कुरा थाहा पाउन सकिएन । हाम्रा सरकारमा बस्नेहरुमा सँधै अध्यादेश मोह, हामी जनता अध्यादेशबाटै शासित हुन अभ्यस्त !!
पुनर्मुसिको भव: !! उही पुरानो रोगको पुनराबृत्ति ???
