काठमाडाैँ । अवैध रूपमा नदिजन्य पदार्थ उत्खनन् तथा ओसार–पसारमा संलग्न एक ट्याक्टर प्रहरीले नियन्त्रणमा लिएको छ।
जिल्ला प्रहरी कार्यालय, स्याङ्जाका अनुसार मिति २०८३ वैशाख ११ गते प्राप्त सूचनाको आधारमा खटिएको प्रहरी टोलीले पुतलीबजार नगरपालिका–१ मालेबगर जाने भित्री सडकखण्डबाट रसिदबिनै नदिजन्य पदार्थ ओसार–पसार गरिरहेको अवस्थामा ट्याक्टर फेला पारेको हो।
प्रहरीले ग.१ त. ५८७७ नम्बरको ट्याक्टरमा बालुवा ओसारिरहेको अवस्थामा नियन्त्रणमा लिएको जनाएको छ। उक्त ट्याक्टरमाथि आवश्यक अनुसन्धानका साथै कानुनी कारबाही प्रक्रिया अगाडि बढाइएको जिल्ला प्रहरी कार्यालयले जनाएको छ।
