काठमाडौँ । नेपाल राष्ट्र बैंकले बैंकिङ प्रणालीमा देखिएको अधिक तरलता व्यवस्थापन गर्न शुक्रबार एक खर्ब २० अर्ब रुपैयाँ बराबरको निक्षेप संकलन गर्ने भएको छ।
राष्ट्र बैंकले बोलकबोल प्रक्रियामार्फत १९ दिन अवधिका लागि उक्त रकम संकलन गर्न लागेको जनाएको छ। पछिल्लो समय बैंक तथा वित्तीय संस्थाहरूमा तरलता बढ्दै गएपछि बजारबाट पैसा खिच्न यस्तो उपकरण प्रयोग गरिएको हो।
यस निक्षेप संकलन उपकरणअन्तर्गत संकलित रकमको सावाँ तथा ब्याज २०८३ वैशाख ३० गते भुक्तानी गरिने राष्ट्र बैंकले स्पष्ट पारेको छ।
बोलकबोल प्रक्रियामा “क”, “ख” र “ग” वर्गका बैंक तथा वित्तीय संस्थाहरू मात्र सहभागी हुन पाउने व्यवस्था गरिएको छ।
