यो जितसँगै आरसीबीले तालिकामा महत्त्वपूर्ण २ अङ्क जोडेको छ भने मुम्बईले घरेलु मैदानमा हारको सामना गर्नुपरेको छ । यो जितसँगै आरसिबी ६ अंकका साथ तेस्रो स्थानमा उक्लिएको छ भने मुम्बई समान चार खेल खेल्दा दुई अंकसहित आठौं स्थानमा छ ।
काठमाडौँ। इन्डियन प्रिमियर लिग (आईपीएल) को आइतबार भएको खेलमा मुम्बईलाई रोयल च्यालेन्जर्स बैंगलुरूले १८ रनले पराजित गरेको छ।
मुम्बईस्थित वानखेडे स्टेडियममा आइतबार राति सम्पन्न खेलमा टस हारेर ब्याटिङको निम्तो पाएको आरसीबीले निर्धारित २० ओभरमा ४ विकेट गुमाउँदै २४० रनको विशाल योगफल खडा गरेको थियो । आरसिबीका लागि फिल साल्ट, विराट कोहली र राजीव पार्टीदारले अर्धशतक बनाए ।
२४१ रनको कठिन लक्ष्य पछ्याएको घरेलु टोली मुम्बई इन्डियन्सले २० ओभरमा ५ विकेट गुमाएर २२२ रन मात्र बनाउन सक्यो ।
बैंगलुरूका लागि फिल साल्टले ७८ रनको विष्फोटक इनिङ खेले भने विराट कोहलीले ५० र रजत पाटीदारले ५३ रनको योगदान दिए। त्यस्तै, डेभिडले मात्र १६ बलमा ३४ रन जोड्दै टोलीको स्कोर २४० रनको चुनौतीपूर्ण लक्ष्यसम्म पुर्याएका थिए।
२४१ रनको विशाल लक्ष्य पछ्याएको मुम्बईले २० ओभरमा २२२ रन मात्र बनाउन सक्यो।
मुम्बईका लागि रोहित शर्मा र रायन रिकेल्टनले ३२ बलमा ५७ रन जोड्दै सानदार सुरुवात दिलाएका थिए। तर, रोहित मैदान बाहिरिएपछि मुम्बईको रन गति प्रभावित भयो।
त्यस्तै, सूर्यकुमार यादवले ३३ र कप्तान हार्दिक पाण्ड्याले ४० रन बनाए पनि तिलक वर्मा मात्र १ रनमा आउट भए। खेलको अन्त्यतिर शेरफन रदरफोर्डले ३१ बलमा ९ छक्का प्रहार गर्दै अविजित ७१ रनको विष्फोटक पारी खेलेर टोलीलाई जिताउने निकै प्रयास गरे पनि टोलीलाई जित दिलाउन सकेनन्।
बैंगलुरूका सुयश शर्माले एकै ओभरमा दुई विकेट झट्दै मुम्बईको लक्ष्य भेट्ने आशामा धक्का पुर्याएका थिए।
