काठमाडौं । स्थानीय तहलाई करार शिक्षक नियुक्ति गर्न बाटो खुल्ला भएको छ। शिक्षा, विज्ञान तथा प्रविधि मन्त्रालयले स्थानीय तहलाई करार शिक्षक नियुक्ति गर्न बाटो खोलिदिएको हो।
मंगलबार मन्त्रालयले सूचना जारी गरी जिल्लाभित्रका रिक्त शिक्षक दरबन्दीमा सरुवा वा करारमा शिक्षक नियुक्ति गरी पदपूर्ति गर्न फुकुवा गरेको हो।
यसअघि मन्त्रालयले गत कात्तिक २४ गते शिक्षकहरूको स्थायी नियुक्ति तथा पदस्थापना र दरबन्दी मिलानको कार्य सम्पन्न नभएसम्मका लागि शिक्षकहरूको सरुवा तथा करारमा शिक्षक नियुक्ति नगर्न स्थानीय तहलाई निर्देशन दिएको थियो।