काठमाडौँ । बैतडीमा एक महिला मृत अवस्थामा फेला परेकी छन्। जिल्लाको दशरथचन्द नगरपालिका–८ झुलाघाट नजिकको धारीघाटस्थित महाकाली नदी किनारमा ती महिला मृत अवस्थामा भेटिएकी हुन्।
भारत घर भई बैतडीको दशरथचन्द नगरपालिका–८ माइत भएकी ३८ वर्षीया दीपा महर रहेको जिल्ला प्रहरी कार्यालय बैतडीका प्रवक्ता प्रहरी निरीक्षक सुरज सिंहले जानकारी दिए।
बिहीबार बिहान मृत अवस्थामा फेला परेकी महरको शव परीक्षणका लागि जिल्ला अस्पतालमा राखिएको प्रहरीले जनाएको छ। घटनाबारे थप अनुसन्धान भइरहेको प्रहरी निरीक्षक सिंहले बताए ।।
