काठमाडौं । गतिशील लोकतान्त्रिक पार्टीका तर्फबाट काठमाडौं क्षेत्र नं ५का उम्मेदवार तथा अभिनेत्री निशा अधिकारीले कस्तो राजनीतिक संस्कृति निर्माण गर्दैछौँ भन्दै प्रश्न उठाउनु भएको छ ।
उम्मेदवारी दर्तापछि आफूविरुद्ध भइरहेको गालीगलौजको स्क्रिनसट सहित अति गर्नु अत्याचार नगर्न आग्रह गर्नुभएको छ ।
उहाँले लेख्नुभएको छ ।
अति गर्नु अत्याचार नगर्नु।
यो दोस्रो भाग हो। यसपालि मैले नामहरु लुकाएको छैन। किनकि कहिलेकाहीँ घृणा गुमनाम भएर होइन, खुलेआम सामान्यीकृत भएर फैलिन्छ।
महिलाले नेतृत्व लिन खोज्दा सबैभन्दा पहिले उनको नीति होइन, उनको निजी जीवन छानिन्छ। उनको क्षमता होइन, उनको चरित्रमाथि प्रश्न उठाइन्छ। यो केवल मेरो कथा होइन। यो सार्वजनिक जीवनमा रहेका धेरै महिलाको साझा अनुभव हो।
म यी शब्दहरूबाट विचलित हुँदिनँ। तर म चुप पनि बस्दिनँ। शब्दहरू हल्का हुँदैनन्। ती समाजको सोच बोकेर आउँछन्।
हामी कस्तो राजनीतिक संस्कृति निर्माण गर्दैछौँ?
असहमति गर्ने तर सम्मान जोगाउनेरु कि असहमतिलाई अपमानमा बदल्ने?
यो पोस्ट मत माग्नका लागि होइन। यो मात्र सम्झनाका लागि हो कि लोकतन्त्रको स्तर हामीले एक–अर्कासँग प्रयोग गर्ने भाषाबाट मापन हुन्छ।
