काठमाडौँ। आइसिसी टी-२० विश्वकप २०२६ को सुपर-८ को खेलमा दक्षिण अफ्रिकाले लगातार दोस्रो खेलमा जित निकालेको छ।
आज भएको ‘सुपर ८’को खेलमा वेस्ट इन्डिजलाई ९ विकेटले हराउँदै दक्षिण अफ्रिका सेमिफाइनलमा पुगेको हो ।
वेस्ट इन्डिजले दिएको १ सय ७७ रनको लक्ष्य पछ्याएको दक्षिण अफ्रिकाले १६ ओभर १ बलमा १ विकेट गुमाएर भेटायो ।
दक्षिण अफ्रिकाका लागि कप्तान तथा ओपनर एडिन मक्रमले नटआउट ८२ रन र रयान रिकेल्टनले नटआउट ४५ रन बनाए। मक्रमले ४६ बल खेलेर ७ चौका र ४ छक्का तथा रिकेल्टनले २८ बलमा ४ चौका र २ छक्का प्रहार गरे।
वेस्ट इन्डिजका लागि रोस्टन चेसले एक विकेट लिए।
वेस्ट इन्डिजका लागि रोमारियो शेफर्डले अर्धशतक पारी खेले । उनले ५२ रन बनाउँदा जेसन होल्डरले ४९ रन जोडे । उनीहरूले आठौँ विकेटका लागि ८९ रनको साझेदारी गरेका थिए । उक्त साझेदारीले वेस्ट इन्डिजले प्रतिस्पर्धात्मक स्कोर बनायो ।
ओपनरद्वय ब्रान्डन किङले २१ रन बनाउँदा कप्तान शाई होप १६ रनमै आउट भए । विस्फोटक ब्याटर शिमरोन हेटमायर भने २ रनमै आउट हुन पुगे । शेर्फेन रदरफोर्डले १२ रन बनाउँदा म्याथ्यु फोर्डले ११ रन बनाए ।
बलिङतर्फ दक्षिण अफ्रिकाका लुंगी एनगिडीले तीन, कागिसो रबाडा र कोर्बीन बोसले दुई–दुई विकेट लिए ।
