काठमाडौँ । टी–२० विश्वकप २०२६ को १७ औं खेलमा नेपालले इटालीलाई जितको लागि जम्मा १२४ रनको लक्ष्य दिएको छ ।
मुम्बईको वानखेडे रंगशालामा टस हारेर पहिला ब्याटिङको निम्तो पाएको नेपालले १९.३ ओभरमा सबै विकेट गुमाएर १२३ रन बनायो ।
नेपालको लागि आरिफ शेखले सर्वाधिक २७ रन बनाए । यस्तै, कप्तान रोहित पौडेलले २३ रन जोड्दा आसिफ शेखले २० र दीपेन्द्र सिंह ऐरीले १७ रन बनाए । त्यसैगरी, करण केसी १८ रनमा अविजित रहँदा अन्य ब्याट्सम्यानले दोहोरो अंकमा रन जोड्न सकेनन् ।
बलिङतर्फ इटालीका क्रिसन कलुगामागेले तीन तथा बेन मनेन्टीले दुई विकेट लिए । अलि हसन, जेजे स्मट्स र जसप्रीत सिंहले एक–एक विकेट लिए ।
