चितवन । नेपाली कम्युनिस्ट पार्टीबाट चितवन क्षेत्र नम्बर ३ मा रेणु दाहालले प्रतिनिधिसभा सदस्य पदका लागि उम्मेदवारी दर्ता गराएकी छन्।
मंगलबार दाहाल चितवनको रामपुरस्थित कृषि तथा वन विश्वविद्यालयमा रहेको निर्वाचन अधिकृतको कार्यालयमा पुगेर औपचारिक रूपमा उम्मेदवारी दर्ता गरिन्। उनले आफूले चितवनमा गरेका विकासका कामका कारण जनताले उनलाई विश्वास गर्ने अपेक्षा व्यक्त गरिन्।
यसअघि दाहालले मंगलबार बिहान भरतपुर महानगरपालिकाको मेयर पदबाट राजीनामा दिएकी थिइन्। उनी यसअघि दुई पटक भरतपुर महानगरपालिकाको मेयर पदमा निर्वाचित भइसकेकी छन्।
उम्मेदवारी दर्तापछि दाहालले चितवनको विकास र जनसुविधाका विषयमा केन्द्रित भएर काम गर्ने प्रतिबद्धता व्यक्त गरेकी छन्।
