काठमाडौं । राष्ट्रिय प्रजातन्त्र पार्टी (राप्रपा) ले आसन्न प्रतिनिधिसभा निर्वाचनका लागि लोकप्रिय पत्रकार गजेन्द्र बुढाथोकीलाई समानुपातिक उम्मेदवारको सूचीमा समावेश गरेको छ।
आर्थिक मामिला र विशेषगरी खोजमूलक पत्रकारितामा गहिरो दखल राख्दै आएका बुढाथोकी ‘टक्सार’ म्यागजिनका सम्पादक समेत हुन्। लामो समयदेखि निर्भीक, तथ्यपरक र जनसरोकारका विषयमा केन्द्रित पत्रकारितामार्फत उनले नेपाली सञ्चार क्षेत्रमा छुट्टै पहिचान बनाउँदै आएका छन्।
शारीरिक अपाङ्गता हुँदाहुँदै पनि निरन्तर संघर्ष र दृढताका साथ पत्रकारितामा सक्रिय रहँदै आएका बुढाथोकीलाई राप्रपाले राष्ट्रिय राजनीतिमा प्रतिनिधित्वको अवसर दिनु सकारात्मक सन्देशका रूपमा हेरिएको राप्रपा प्रवक्ता मोहन श्रेष्ठले जानकारी दिनुभयो ।
