काठमाडौं । नेपाली कांग्रेस संस्थापन पक्षले बोलाएको केन्द्रीय कार्यसमिति बैठक बस्दैछ ।
बैठकले दोस्रो विशेष महाधिवेशन आयोजक महामन्त्रीद्वय गगनकुमार थापा र विश्वप्रकाश शर्मासहित २६ केन्द्रीय सदस्यलाई कारबाहीको तयारी भएको एक नेताले जानकारी दिनुभयो ।
कार्यवाहक सभापति पूर्णबहादुर खड्काले पनि पार्टी फुटतर्फ अघि बढेको बताउनु भएको छ । केन्द्रीय कार्य समिति बैठकमा लागि सानेपा पुग्नु भएका खड्काले जम्मा भएका नेता कार्यकर्तालाई पछिल्लो वार्ताको ब्रिफिङ गर्दै पार्टी फुट्न लागेको जनाउ दिनुभएको छ ।
नेपाली कांग्रेसको १४औं महाविधेशनबाट सभापतिसहित १३ पदाधिकारी र १२१ केन्द्रीय सदस्य निर्वाचनबाट चयन भएका थिए । ३३ जना मनोनीत गरी कुल १६७ सदस्यीय केन्द्रीय कार्यसमिति रहेको छ ।
