काठमाडौं । नेपाली कांग्रेसको विशेष महाधिवेशनमा विभिन्न झाँकीहरु देखिन थालेका छन् । यसक्रममा केही समयमात्र अघि नेपाली कांग्रेसका केन्द्रीय सदस्य डा चन्द्र भण्डारी महाधिवनेशनस्थलबाट बाहिरिएका छन् ।
उनले निर्वाचनका कारण पार्टी फुट्न सक्ने भन्दै निर्वाचन प्रक्रियामा सामेल नहुने बताएर बाहिरिएका छन् ।
उनी संस्थापन पक्षले आह्वान गरेको केन्द्रीय समितिको बैठकमा सहभागी हुने भन्दै सानेपातिर लागेका हुन् ।
उता महाधिवेशनस्थलबाट कांग्रेसका अर्का नेता डा सुनिल शर्मा पनि बाहिरिएका छन् । उनले पनि निर्वाचन प्रक्रियाले पार्टी फुट्न सक्ने भएकाले यसमा आफू सहभागी नहुने बताउँदै बाहिरिएका छन् ।
यता महाधिवेशनस्थल भृकुटीमण्डपमा निर्वाचनको प्रक्रिया सुरु भएको छ । महाधिवेशन प्रतिनिधिहरुले उम्मेदबारी दर्ता गराइरहेका छन् । मतदान भने आज राति ९ बजेबाट सुरु हुने भएको छ । पार्टी सभापतिमा विश्वप्रकाश या गगनले उम्मेदबारी कसले दिने भन्ने केही आएको छैन ।
यता संस्थापन पक्षले बोलाएको वार्ता पनि जारी नै रहेकाले अवस्था के हो भन्न सक्ने अवस्था छैन ।
