काठमाडौँ । राष्ट्रिय प्रजातन्त्र पार्टी (राप्रपा)का पूर्वअध्यक्ष डा प्रकाशचन्द्र लोहनी समानुपातिक बन्दसूचीमा नपर्ने भएका छन् ।
आज कार्यसम्पादन समितिमा समानुपातिक बन्दसूचीमा रहने कि नरहनेबारे भएको भोटिङमा उनी पराजित भएका हुन् ।
भोटिङमा उनको पक्षमा १४ मत परेको प्रवक्ता ज्ञानेन्द्र शाहीले जानकारी दिए । उनको विपक्षमा भने १८ मत परेको छ ।
राप्रपाले यसअघि समानुपातिक प्रणालीमा सांसद बनेकाहरुलाई बन्द सुचीमा नराख्ने निर्णय गरेको थियो । तर, लोहनीले आफू समानुपातिक सूचीमा हुनुपर्ने जिकिर गरेपछि आन्तरिक मतदान गर्ने निर्णय भएको थियो ।
