काठमाडौंः गृह मन्त्रालयले नेपाल प्रहरीको अतिरिक्त प्रहरी महानिरीक्षक (एआईजी) मा तीन जनाको नाम सिफारिस गरेको छ ।
गृह सचिवको अध्यक्षतामा रहेको बढुवा समितिको बिहीबार बसेको बैठकले प्रहरी नायब महानिरीक्षकहरु तारिणीप्रसाद लम्साल, शैलेस थापा क्षेत्री र हरिबहादुर पाललाई अतिरिक्त प्रहरी महानिरीक्षकमा बढुवाका लागि सिफारिस गरेको हो ।
हाल लम्साल सुदूरपश्चिम प्रदेश प्रहरी प्रमुख, क्षेत्री महानगरीय प्रहरी कार्यालय रानीपोखरी र पाल प्रहरी प्रधान कार्यालयको विशेष ब्यूरोमा कार्यरत छन् ।