विश्व स्वास्थ्य संगठन (डब्लुएचओ)ले ६१ देशमा कोरोना भाइरस (कोभिड–१९) को संक्रमण देखिएको भन्दै सबै सदस्य राष्ट्रलाई सतर्क रहन चेतावनी दिएको छ । हालसम्म विश्वभर ८५ हजारभन्दा बढी मानिस सङ्क्रमित भइसकेका छन् । कोरोनाकै कारण दुई हजार नौं सय ३३ जनाको मृत्यु भइसकेको छ । कोरोना भाइरस (कोभिड–१९) बाट जोगिनका लागि विश्व स्वास्थ्य संगठन (डब्लुएचओ) ले मास्क लगाउनको लागि सम्पुर्ण देशका नागरिकहरुलाई आहवान गरेका छन् । तर डब्लुएचओले मास्क कुन समयमा र कसरी प्रयोग गर्ने भन्नेबारेमा यस्तो बताएका छन् ।
मास्क कुन समयमा प्रयोग गर्ने ?
- यदि तपाई स्वस्थ हुनुहुन्छ भने मास्कको प्रयोग नगरे पनि हुन्छ तर यदि तपाई संक्रमित व्यक्तिको आसपास हुनुहुन्छ भने अनिवार्य रुपमा मास्क लगाउनुहोस्
- ज्वरो आएमा
- खोकी लागेमा
- श्वास प्रश्वासमा अपठ्यारो महसुस भएमा
मास्क कसरी प्रयोग गर्ने ?
- मास्क लगाउन अघि अल्कोहल सहितको सावुन पानीले मजाले हात सफा गर्नुहोस्।
- मुख र नाक मास्कले ढाक्नुहोस् र निश्चित गर्नुहोस् कि तपाईंको अनुहार र मास्कको बीचमा कुनै खाली ठाँउ छैन ।
- मास्क प्रयोग गर्दा मास्कलाई छोई नबस्नुहोस् यदि छुनुभयो भने तुरुन्तै आफ्नो हात साबुन र पानीले सफा गर्नुहोस् ।
- तपाईले प्रयोग गर्नुभएको मास्क ओसिलो हुने बित्तिकै नयाँ मास्क बदल्नुहोस् र पुनः त्सस मास्कलाई प्रयोग नगर्नुहोस् ।
- मास्क हटाउनका लागि यसलाई पछाडिबाट निकाल्नुनुहोस् (मास्कको अगाडि नछुनुहोस्) र त्सलाई तुरुन्त व्यवस्थित गर्नुहोस् ।
